Na: Fedson Masawa

Msaidizi wa Mbunge

Tarehe, 16.12.2020

Jimbo la Musoma Vijijini

WAVUVI walioko katika Mialo minne ya Busekera (Kata ya Bukumi), Bwai Kumusoma (Kata ya Kiriba) na Visiwa vya Iriga na Rukuba (Kata ya Etaro) wamepokea ELIMU ya kujiunga kwenye VIKUNDI vya UVUVI ili kutekeleza shughuli zao za UVUVI kwa UFANISI mkubwa zaidi, na uwezekano wa kupata MITAJI kupitia MIKOPO mbalimbali.

VIONGOZI wa HALMASHAURI ya WILAYA ya MUSOMA  waliwatembelea WAVUVI wa Kata hizo 3 na kufanya uhamasishwaji huo  kwa muda wa siku mbili mfululizo.

AFISA UVUVI wa Halmashauri ya Wilaya ya Musoma, Ndugu Augustine Constatine alisisita suala la UVUVI BORA unaozingatia SHERIA na KANUNI zake.

AFISA MAENDELEO ya JAMII wa Halmashauri hiyo, Ndugu Tanna Nyabange na Msaidizi wake Ndugu Nyanjara Majura walielezea umuhimu wa uundwaji wa VIKUNDI vya UVUVI kwa ajili ya kupata na MIKOPO kutoka kwenye HALMASHAURI yao na kutoka kwenye TAASISI za FEDHA, zikiwemo BENKI mbalimbali. Suala la upatikanaji wa SOKO ya UHAKIKA kupitia Vikundi vya Uvuvi lilisisitizwa.

WASAIDIZI 3 wa MBUNGE wa Jimbo la Musoma Vijijini, Ndugu Fedson Masawa, Ndugu Verediana Mgoma na Ndugu Hamisa Gamba WALISHIRIAKANA na VIONGOZI wa Halmashauri hiyo kuorodhesha VIKUNDI vya UVUVI vyenye nia ya kuomba MIKOPO  kutoka Equity Bank.

EQUITY BANK NDANI YA JIMBO LA MUSOMA VIJIJINI

BANK hiyo imewakilishwa na Ndugu Bahati Dollo, Kemilembe Kabugumila na Peter Chuchu, kwenye ZIARA ya KIKAZI ya siku 2 na kuongea na VIKUNDI vya UVUVI vya Kata hizo tatu.

IDADI ya VIKUNDI

vilivyojitokeza kuomba MIKOPO kutoka Bank hiyo ni kama ifuatavyo:

(i) Kata Bukumi (Vijiji 4)

*Vikundi 17, Wanachama 203

(ii) Kata ya Kiriba (Vijiji 3)

*Vikundi 25, Wanachama 327

(iii) Kata ya Etaro (Vijiji 3)

*Kisiwa cha Rukuba

Vikundi 31, Wanachama 425

*Kisiwa cha Iriga

Vikundi 6, Wanachama 80

EQUITY BANK itaanza na VIKUNDI vya UVUVI 79, vyenye WANACHAMA 1,035

LEO, Jumatano, 16.12.2020, MAAFISA 3 wa EQUITY BANK wameonana na Mkuu wa Wilaya ya Musoma, Dr Vicent Naano Anney, na Mbunge wa Jimbo la Musoma Vijijini, Prof Sospeter Muhongo KUJADILI FURSA hiyo ya upatikanaji wa MIKOPO ya EQUITY BANK kwa VIKUNDI vya UVUVI vya Jimbo la Musoma Vijijini.

EQUITY BANK iko tayari kutoa MIKOPO kwa VIKUNDI vya UVUVI vya Jimbo la Musoma Vijijini – matayarisho yanaendelea.

Ofisi ya Mbunge

Jimbo la Musoma Vijijini